Nënshkruahen marrëveshjet e bashkëpunimit mes qeverisë së Shqipërisë dhe Kosovës në përfundim të mbledhjes mes qeverive në Elbasan.
Marrëveshjet janë nënshkruar nga ministrat e dy qeverive.
Kjo është mbledhja e shtatë e përbashkët mes dy qeverive, ndërsa takimi i parë u zhvillua në vitin 2014 në Prizren.
Në mbledhjen e sotme ministri i Brendshëm Bledi Çuçi, theksoi se për qytetarët e Kosovës që duan të festojnë pavarësinë e Shqipërisë dhe Festën e Flamurit këtë fundjavë nuk do të ketë asnjë pengesë.
Gjithashtu ai bëri të ditur se është dhënë porosi që në pikat e kalimit kufitar me Kosovën të mos ketë asnjë kontroll dhe asnjë pengesë për kalimet e automjeteve.
