Në Turqi janë mbyllur vendvotimet për zgjedhjet e parakohshme parlamentare dhe presidenciale.
Sipas Reuters, nuk ka sondazhe paraprake në Turqi dhe rezultatet e para paraprake priten në mbrëmje.
Presidenti turk Recep Tayyip Erdogan ka votuar sot në Stamboll në zgjedhjet e parakohshme presidenciale dhe parlamentare, duke thënë se Turqia po përjeton “revolucion demokratik”.
Ndërsa, lideri i partisë kryesore opozitare të Turqisë, Kelam Kılıçdaroğlu tha se kanë hasur në ankesa për parregullsitë zgjedhore në juglindje të vendit, ndërsa kryetari i Komisionit Zgjedhor turke njoftoi se autoritetet kishin marrë “iniciativa e nevojshme”, pas akuzave për parregullsi në vendvotime në Turqinë juglindore, transmeton kp.
Sadi Guven, kryetar i Komisionit Zgjedhor, tha se janë iniciuar procedura administrative dhe penale, ndërsa Kiliçdaroglu ka bërë thirrje që zyrtarët përgjegjës të vendvotimeve të mbeten të paanshëm dhe të” mos harrojmë se ata janë shërbëtorë publikë, jo në shërbim të një partie politike.
