Drejtori i Institutit “Octopus”, Agim Musliu ka paralajmëruar se kryekrimineli Milan Radoiçiq po përgatitet për ta sulmuar Kosovën.
Ai në një postim në “Twitter” tha se sulmi po planifikohet me urdhër të presidentit serb, derisa po mbështetet nga Vuçeviqit.
“Radoiçiq po përgatitet në Serbi për të sulmuar edhe një herë Kosovën, me urdhër të Vuçiqit dhe me mbështetjen e Vuçeviqit. BE po shikon! Kosova është në pritje!” – shkroi ndër të tjera Musliu, transmeton “Bota sot”.
Kujtojmë se, mbrëmë edhe kryeministri i Kosovës, Albin Kurti bëri të ditur se në Rashkë të Serbisë po ngjan riorganizimi paramilitar e terrorist i Milan Radoiçiqit dhe grupit të tij, me instruksione dhe mbështetje të shtetit të Serbisë.
