Aleanca e Atlantikut të Veriut planifikon që në pranverën e vitit 2018 ta marrë nën gjirin e saj edhe Maqedoninë.
Gazeta ruse Sputnik duke u thirrur në burime të veta thekson se kjo do të bëhet pas negociatave ndërmjet Shkupit zyrtar dhe NATO-s, transmeton lajmi.net
“Sekretari i përgjithshëm i NATO-s, Jens Stoltenberg ka në plan që në korrik ta vizitojë Shkupin dhe të nis bisedimet për këtë anëtarësim. Qëllimi i NATO-s është që në vitin 2018 Maqedonia të anëtarësohet në këtë organizatë”, citohet të ketë thënë burimi i Sputnik.
Sipas këtyre burimeve ky proces po përkrahet shumë edhe nga Shtete e Bashkuara të Amerikës.
Kryeministri i ri maqedonas, Zoran Zaev ditë më parë ka thënë se Maqedoni është gati që të hyjë në NATO, pasi së fundi në këtë organizatë u bashkua edhe Mali i Zi. /Lajmi.net/
