Hashim Thaçi është duke u përgatitur për formimin e ushtrisë së Kosovës. Dhe në këtë drejtim, ai do të blejë edhe helikopterë të cilët do të jenë në dispozicion të kësaj ushtrie, shkruajnë sot mediat serbe.
Po sipas tyre, përcjell Telegrafi, shërbimet serbe të sigurisë kanë informacione se “presidenti i vetëshpallur i vetëshpallur Kosovës, Hashim Thaçi ka filluar tashmë bisedimet për blerjen e helikopterëve ushtarakë, në mënyrë që të formojë një ushtri në krahinën jugore serbe”.
E këto të dhëna, shkruajnë më tej mediat serbe, do të paraqiten në një takim të Sigurisë Kombëtare të Serbisë.
Inteligjenca thuhet se do të paraqesë edhe projektligjin për ngritjen e ushtrisë së Kosovës, e cila është shkruar në 20 faqe.
“Hashim Thaçi tani ka në plan për të blerë helikopterë dhe armatime të lehta të këmbësorisë. Nuk ka qëllim për të blerë tanke dhe aeroplanë”, citohet të ketë thënë një burim i afërt me Këshillin e Sigurimit Kombëtar.
Por mediat serbe nuk ndalen me kaq, duke cituar Shërbimet e Inteligjencës.
Sipas tyre, pilotët nga Kosova kanë shkuar tashmë në Turqi për trajnim.
Ato përmendin edhe një deklaratë të shefit të NATO-s, Jens Stoltenberg, i cili ka deklaruar se nuk pajtohet që Kosova të formojë ushtrinë pa një marrëveshje me Serbinë.
