Kancelarja gjermane, Angela Merkel sot shprehu shqetësimin e saj për situatën në Ukrainë, ku çdo natë regjistrohen raste të shkeljes së armëpushimit dhe humbjeve njerëzore. Armëpushimi në Ukrainë po shkelet çdo natë.
“Ukraina është burim shqetësimi për ne dhe në kuadër të formatit të Normandisë, i cili është një grupim diplomatik i përfaqësuesve të Gjermanisë, Francës, Rusisë dhe Ukrainës kërkojmë zbatimin e marrëveshjeve të Minskut”, deklaroi Angela Merkel, njofton atsh.
“Çdo natë shënohen shkelje të armëpushimit dhe çdo ditë raportohen humbje në njerëz”, pohoi Merkel.
Bijë e një pastori protestant, kancelarja gjermane shquhet për punën e saj në planin e pajtimit që nxit bashkëjetesën paqësore mes popujve.
