Xiaomi është një kompani kineze e cila është rritur me shpejtësi në tregun botëror. Kompania prodhon produkte të ndryshme si telefona të mençur dhe notebook.
Kjo kompani besohet të ketë një pajisje të re në zhvillim e sipër, të quajtur Mi Note 2. Disa dizajne të kësaj pajisje tashmë janë parë online dhe duket se pajisja I ngjanë shumë produktit të fundit të Samsung, Galaxy Note 7.
Pamjet e publikuara të Xiaomi Mi Note 2 tregojnë se pajisja do të ketë dizajn të metaltë të kombinuar me xham, ngjashëm sikur Galaxy Note 7. Poashtu, Mi Note 2 duket se do të ketë ekran të lakuar në pjesën anësore.
Xiaomi Mi Note 2 pritet të jetë i fuqizuar nga procesori Qualcomm Snapdragon 821, RAM memoria prej 6GB, hapësira ruajtëse prej 128GB dhe bateria me kapacitet prej 4,000 mAh.
