Qeveria vazhdon të mbështesë qëndrimin se Spitali Klinik në Shkup duhet të ndërtohet në zonën pranë pishinës së arenës “Boris Trajkovski”, duke vlerësuar se ky lokacion paraqet zgjidhjen më të përshtatshme.“Përfundimisht mbesin në qëndrimin se Spitali Klinik në Shkup duhet të ndërtohet në pllajën përpara pishinës “Boris Trajkovski”. Kjo është tokë në pronësi private. Po negociojmë me pronarin privat dhe duam të bëjmë gjithçka këtu që të mund të lidhet me një tunel nëntokësor me Spitalin aktual “8 Shtatori”. Kemi qendrën me pesë qendra dhe Poliklinikën e Bukureshtit këtu dhe do të jetë një kompleks i plotë, gjithëpërfshirës”, deklaroi Mickoski. Ai theksoi se me pronarin e kësaj parcele po negociojnë për të bërë një shkëmbim toke me tokë dhe për të parë se sa larg do të shkohet. Deri më tani, siç tha, është i kënaqur me mënyrën se si po shkojnë negociatat.
