Trajneri i Milanit, Stefano Pioli është justifikuar plotësisht në vendimin e tij për të startuar Christian Pulisic në treshen e sulmit gjatë dy ndeshjeve të para të sezonit.
Siç shkruan Antonio Vitiello në rubrikën e tij të fundit për MilanNews, dy ndeshjet e para të sezonit të ri të Serisë A kanë treguar se kuqezinjtë ‘kanë nënshkruar me një super lojtar’, me Pulisic që ka shënuar në çdo ndeshje të deritanishme, shkruan ORAinfo.
Pak lojtarë kanë arritur të shënojnë dy gola në dy paraqitjet e tyre të para për kuqezinjtë, por Pulisic i bashkohet asaj kompanie elitare duke përfshirë Bierhoff, Shevchenko, Balotelli dhe Menez.
Reprezentuesi amerikan nënshkruajti për 20 milionë euro dhe drejtuesit e Milanit besojnë se kjo tarifë do të rezultojë e volitshme duke marrë parasysh moshën, potencialin dhe cilësinë e tij.
Në vitin 2019, Chelsea investoi 64 milionë euro për ta blerë atë nga Borussia Dortmund, por ai kurrë nuk vendosi me të vërtetë rolin kryesor që klubi londinez mendonte se do ta bënte për shkak të një kombinimi faktorësh.
Pulisic “nuk është vetëm një operacion marketingu”, sepse ai është gjithashtu një “lojtar vërtet i fortë që Milani e donte fort” për shkak të “cilësisë dhe inteligjencës taktike të tij”. Ai ka mësuar skemat e Piolit dhe ka goditur terrenin. /ORAinfo/
