Në kuadër të vizitës së tij në Stokholm, Ministri i Punëve të Jashtme Timço Mucunski u takua me Ministren e Punëve të Jashtme të Mbretërisë së Suedisë, Maria Malmer Stenergard.
Në takim u diskutuan marrëdhëniet dypalëshe dhe mundësitë për thellimin e bashkëpunimit në fusha të ndryshme, me theks në bashkëpunimin tregtar dhe ekonomik, procesin e integrimit evropian të vendit, si dhe çështjet aktuale rajonale, evropiane dhe globale. Mucunski konfirmoi partneritetin e fortë dhe marrëdhëniet miqësore midis dy vendeve. Ai shprehu mirënjohje për mbështetje edhe për popullin dhe shtetin suedez për reagimin e shpejtë dhe vendimtar pas zjarrit në Koçan, ku disa nga pacientët u trajtuan në Stokholm.
“Patëm diskutim të frytshëm, gjithashtu lidhur me sfidat me të cilat përballemi në rrugën tonë drejt integrimit evropian, dhe deklaruam hapur se pritshmëria jonë është që procesi i zgjerimit të mos matet më në terma të kritereve subjektive, dypalëshe, por të fillojë të matet në terma të meritës dhe faktorëve objektivë. Ajo që dëgjova ishte inkurajim për rrugën tonë drejt anëtarësimit të plotë, premtim se Suedia do të vazhdojë të jetë mbështetëse e vazhdueshme e politikës së zgjerimit”, tha Timço Mucunski, Ministër i Jashtëm .
