Arben Vitia, ministri i Shëndetësisë ka bërë me dije se njëri nga pacientët e prekur nga koronavirusi është drejt shërimit.
Vitia, përmes një shkrimi në Facebook ka thënë se testi i dytë që i është bërë ka dal negativ teksa ka shtuar se janë në pritje të rezultatit përfundimtar.
“Nevojitet edhe testi kontrollues dhe me shpresë që do të kemi pacientin e parë të shëruar me COVID 19 në Kosovë”, ka shkruar ai.
Shkrimi i plotë i Vitisë:
Të dashur qytetarë
Sot me 25.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar tridhjetë e katër (34) mostra të marra të rasteve nga terreni dhe në Klinikën Infektive. Po vazhdon testimi i të gjithë kontakteve të identifikuara, të personave me COVID 19. Sot nga këto mostra tetë (8) prej prej tyre kanë rezultuar pozitive.
Në ndërkohë kemi rezultatin e parë NEGATIV të njërit nga pacientët me COVID 19 pozitiv. Nevojitet edhe testi kontrollues dhe me shpresë që do të kemi pacientin e parë të shëruar me COVID 19 në Kosovë.
