Gazetar: Miki Trajkovski
Deri në shkurt të vitit 2026, me çerdhet në Strugë do të menaxhojë Ministria e Politikës Sociale, Demografisë dhe Rinisë, pasi më 19 shkurt të këtij viti Ramiz Merkos iu morën kompetencat e çerdheve të Strugës për shkak të mosrespektimit të udhëzimeve që më parë i ishin dhënë. Megjithatë, problemi më i madh me të cilin çerdhja përballet prej vitesh është statusi i pazgjidhur i njëzet punonjësve, të cilat punojnë me kontratë në vepër dhe marrin pagë prej vetëm 10.000 denarësh, pa sigurim pensional dhe shëndetësor. Dhe në vend të një zgjidhjeje të plotë të problemit, për momentin do të ketë para vetëm për zgjidhjen e statusit të pesë prej tyre.
“Lidhur me kërkesat e dorëzuara në Ministrinë e Financave për sigurimin e fondeve për punësimin e 5 personave me kohë të pacaktuar në vendin e punës, punonjëse në çerdhen publike “8 Marsi” Strugë, për to është marrë njoftim për para të siguruara në buxhetin për vitin 2025 dhe është dorëzuar në çerdhe për veprim të mëtejshëm, përkatësisht për realizimin e pëlqimeve të marra. Sa i përket punësimit të një personi në vendin e punës edukatore, për të njëjtën ende nuk është marrë përgjigje nga Ministria e Financave”, theksojnë nga Ministria e Politikës Sociale.
Për shkak të statusit të pazgjidhur, punonjësit për vite me radhë janë të paraqitura në Qendrën e Punësimit si të papunë, ndërsa gjatë muajve janar, korrik, gusht dhe shtator, kur numri i fëmijëve është më i vogël, nuk shkojnë në punë.
Çerdhja po përballet edhe me mungesë hapësire, prandaj listat e pritjes janë të gjata.
Gjatë viteve të kaluara, asnjë ministër nuk gjeti kohë për ta vizituar çerdhen dhe për t’i dëgjuar drejtpërdrejt nga të punësuarit problemet me të cilat përballen. /Alsat.mk
