Sekretari i Përgjithshëm i Lëvizjes Vetëvendosje, Daradan Molliqaj ka shprehur habinë dhe ka pyetur se kur qenka përmbushur kriteri për luftimin e korrupsionit, ndërsa mes shumë fakteve ka shtuar se Adem Grabovci, edhe pse ka qindra fakte për krim e korrupsion, ende është i lirë.
Shkrimi i plotë i Molliqajt në Facebook:
Kur qenka përmbushë kriteri për luftimin e korrupsionit!?
Sipas raportit të Transparency International të vitit të kaluar, Kosova rënditet në vendin e 95 sa i përket luftimit të korrupsionit.
Kryeministri ende vazhdon me ju jep tendera djemve të tij.
Mbi 60 dosje në prokurori për korrupsionin e qeverisjes së kryeministrit aktual në Komunën e Prishtinës asnjëherë nuk u trajtuan.
Adem Grabovci, edhe pse ka qindra fakte për krim e korrupsion, ende është i lirë.
Policia është e kriminalizuar dhe e kapur nga pushtetarët kriminelë. Gjykatat poashtu.
Për tu punësuar në institucione publike, kusht është afërsia me partitë në pushtet.
E Mogherini vjen e na thotë korrupsioni po luftohet, nëse doni liberalizim të vizave duhet t’i falni edhe 8000 hektarë tokë.
Jo faleminderit! Nuk kemi tokë për të falur!
