Ndryshe nga sa kishte njoftuar Shtëpia e Bardhë se Trump do të shprehej brenda dy javëve në lidhje me sulmin ose jo ndaj Iranit, duket se presidenti amerikane nuk ka vonuar në përgjigje.
Pa u bërë 24 orë nga deklarata e zëdhënëses se Shtëpisë së Bardhë, Këshilli i Sigurisë Amerikane nën udhëheqjen e Trump ka vendosur bombardimin e tre bazave nukleare të Iranit, ndërsa ‘shfaqjen’ presidenti e ndoqi live së bashku me kabinetin e Sigurisë.
Sulmet me të ashpra me bombën afro 14 tonëshe kanë goditur malin Fordo, aty ku ndodhej baza kryesore e pasurimit të uraniumit dhe që Izrael-SHBA ishin të bindur se kishte armë bërthamore.
Siç shihet nga pamjet, ky është moment kur avioni bombardues godet malin Fordo, duke lënë pas valë shkatërrimi dhe shtëllunga zjarri në ajër, ndërsa SHBA njoftuan se baza bërthamore është shkatërruar plotësisht.
Një sulm i tillë amerikan, nuk u mirëprit nga Irani, i cili nisi ofensivë raketash në Izrael, duke lënë pas shkatërrim, pavarësisht kupolës mbrojtëse izraelite.
© SYRI.net
