Moti jo stabil mori një jetë. Sipas qendrës për Menaxhim me Krizat bëhet fjalë për një person nga komuna e Prilepit që sipas denoncimit të marrë, ka ndërruar jetë si pasojë e goditjes së rrufesë. Deri në fund të javës do të kemi mot të ndryshueshëm, jostabil, me vranësira, me reshje të kohëpaskohshme të shiut dhe bubullima. Në disa vende do të ketë procese më intensive në formë të stuhisë me shi të rrëmbyeshëm, bubullima, erë të fortë dhe në disa rajone madje edhe breshër. Nga Drejtoria për punë hidrometeorologjike rekomandojnë për kujdes të shtuar në rast të vetëtimave. Ata rekomandojnë që në këto raste të mos qëndrohet në hapësira të hapura dhe nën pemë të vetmuara. Sipas parashikimeve, të hënën në disa vende do të ketë shi të kohëpaskohshëm, ndërsa stabilizim të motit pritet nga dita e martë. /Alsat.mk
