Forca e Sigurisë e Kosovës (FSK) ka njoftuar se kontingjenti i FSK-së, nga Regjimenti i tretë i Këmbësorisë i është bashkuar 43 shteteve që po marrin pjesë në njërin nga ushtrimet më të mëdha i cili realizohet në Izmir të Turqisë dhe udhëhiqet nga Armata Egjeane Turke, “EFES – 2024”.
Sipas njoftimit që ka lëshuar FSK, ky ushtrim ka për qëllim prezantimin e aftësive për misione të përbashkëta paqësore.
Tutje thuhet se “ushtrimi ka për qëllim prezantimin e aftësive dhe kapaciteteve të forcave pjesëmarrëse të shteteve të ndryshme të koordinuara dhe harmonizuara për misione të përbashkëta paqësore dhe bashkëpunimin në mes tyre”.
