Njeriu i cili ishte ndër më të diskutuarit për çështjen e demarkacionit, Murat Meha, i është gëzuar miratimit të kësaj marrëveshjeje.
Meha, i cili drejtonte Komisionin Shtetëror për Demarkacionin me Malin e Zi, në një mënyrë dhe në një vend të vecantë e ka festuar ratifikimin e demarkacionit.
Ai së bashku me anëtaren e Kryesisë së LDK-së, Vlora Dumoshi kanë postuar një fotografi në facebook.
“Gëzuar për demarkacionin nga Uashingtoni”, ka shkruar Dumoshi, teksa cakërron gotat me Murat Mehën.
Ndryshe, demarkacioni me Malin e Zi, u miratua në seancën e së mërkurës, pas një përplasje të madhe me deputetët e VV-së.
