3 pronarë lokalesh dhe një Deejay përfunduan në prokurori për shkak të muzikës pas mesnate. Policia tha se ata nuk respektuan orarin e përcaktuar për ndalimin e muzikës, në Livadh, Sarandë dhe Ksamil.
Sipas policia “u referuan materialet në Prokurori dhe nisi procedimi penal, për veprën penale “Prishja e qetësisë publike”, për shtetasin:
– D. M., 45 vjeç, banues në Tiranë, administrator i një subjekti në plazhin Livadh.
– D. P., 47 vjeç, banues në Mallakastër, administrator i një lokali në lagjen nr.1, Sarandë;
– D. D., 23 vjeç, banues në Sarandë, menaxher i një lokali në plazhin e Ksamilit dhe F. M., 26 vjeç, i punësuar si DJ në këtë lokal”/GSH
