Komisioni Rregullator për Shërbimet e Menaxhimit të Energjisë, Ujit dhe Mbeturinave ka miratuar një vendim të ri duke ulur çmimet me pakicë të derivateve të naftës me një mesatare prej 0.46% krahasuar me çmimet e përcaktuara me vendimin e mëparshëm të 1 qershorit 2026.
Si rezultat i këtij vendimi, çmimet me pakicë të benzinave EUROSUPER BS-95 dhe EUROSUPER BS-98 ulen për 2.00 denarë për litër. Çmimi i ri i EUROSUPER BS-95 do të jetë 86.00 denarë për litër, ndërsa EUROSUPER BS-98 do të shitet me një çmim prej 88.00 denarë për litër.
Nga ana tjetër, çmimet me pakicë të EURODIZEL (D-E V) dhe Vajit Ekstra të Lehtë për Shtëpi (EL-1) rriten për 1.50 denarë për litër. Me këtë rritje, nafta do të kushtojë 87.00 denarë për litër, ndërsa Vaji Ekstra i Lehtë do të arrijë një çmim prej 89.00 denarësh për litër. Ulje ka edhe në çmimin e mazutit M-1 NS, çmimi i të cilit bie për 0.609 denarë dhe do të arrijë në 47.297 denarë për kilogram.
