Gazetar: Miki Trajkovski
Me foto që postoi në rrjetet sociale, mbi të cilën shkroi “Unë jam kundër korrupsionit”, deputeti i VLEN-it, Beqim Qoku, ironizoi rastin në të cilin kryetari i Strugës, Ramiz Merko, e padit për shpifje dhe fyerje, sepse Qoku kishte zbuluar në Facebook se Merko ishte i korruptuar. Gjykimi në Gjykatën Themelore në Strugë vazhdoi sot me fjalët përfundimtare nga të dyja palët.
Merko tha para gjykatës se Qoku kishte bërë vazhdimisht deklarata të rënda shpifëse në mediat sociale dhe në paraqitjet televizive, të cilat kishin shkaktuar trazira te ai dhe familja e tij si dhe në punën e tij si kryetar komune. Ai nuk ka qenë në gjendje të punojë tre muaj dhe vizitonte psikiatër.
“Ai është i motivuar politikisht dhe tani është deputet në emër të Albin Kurtit. Fyerjet dhe shpifjet janë serioze. Sa i përket korrupsionit, nuk ka asnjë procedurë për korrupsion dhe unë nuk jam dënuar për asnjë vepër penale që lidhet me korrupsionin. Se kam qenë imoral, kam familje dhe fëmijë, jam kryetar komune dhe kam biznese”, tha Ramiz Merko- Kryetar i Strugës.
Lidhur me këtë, Qoku tha se vetëm disa ditë pas postimit të tij në Facebook, Departamenti Amerikan i Shtetit e ka vendosur Merkon në listën e zezë të SHBA-së për korrupsion dhe e ka shpallur person non grata.
“Unë i qëndroj fjalëve që shkrova atëherë në faqen time në FB dhe qëndrimet atje janë krejtësisht individuale. As atëherë dhe as tani nuk kam pasur asnjë interes tjetër, përveç interesit të qytetarëve të Strugës dhe të Maqedonisë së Veriut. Paditësi është kryetar komune i të gjithë qytetarëve të Strugës dhe i gjithë dëmi që ai ka shkaktuar, si korrupsioni, ndërhyrja në gjyqësor, ndërtimet e paligjshme, është dëm që prek të gjithë qytetarët”, u shpreh Bekim Qoku- Deputet i VLEN.
Merko kërkon që Qoku të dënohet për dëmtim të nderit dhe reputacionit dhe të paguajë gjobë prej 30,000 denarë. /Alsat.mk
