Dhënia më koncesion e Parkut Kombëtar të Butrintit ka sjellë sërish reagimin e aktivistëve që janë bashkuar në mbrojtje të Parkut Kombëtar.
Aleanca për Mbrojtjen e Butrintit ka protestuar sot duke kërkuar që Butrinti të mos jepet me koncesion.
Aulon Kalaja aktivist, tha se i bëjmë thirrje qeverisë shqiptare dhe parlamentit të Shqipërisë i cili voton symbyllazi marrëveshjen dhe ua jep të huajve Butrintin.
“Ne do ta mbrojmë shpirtin e kombit tonë”, Butrintin tha Kalaja, në një deklaratë para portës së hyrjes së veprës së madhe historike.
Kalaja tha gjithashtu se kemi përgatitur nje dosje të cilën e kemi dërguar edhe në UNESKO por do ta dërgojmë edhe në Gjykatën Kushtetuese.
Aulon Kalaja tha gjithashtu, se dekreti i presidentit do të kthehet në Komisionin e Ekonomisë në datën 12 korrik, ndaj ai fton qytetarët në Tiranë të martën në orën 10:00 t’i bashkohen protestës./GSH
