Policia raportoi sot një ngjarje të ndodhur në ditë më parë në burgun e Fierit, ku tha se një efektiv është goditur ne send të fortë nga një person i paidentifikuar dhe se i plagosuri ndodhej në spital jashtë rrezikut për jetën.
Por, ish-kryeministri Sali Berisha, përmes denoncimit të qytetarit digjital, jep një tjetër version për ngjarjen, duke thënë se është një revoltë në burgun e Fierit, ku për pasojë ka përfunduar në koma shefi i edukimit Nazmi Doko, ndërsa shumë policë janë plagosur.
Sipas denoncimit, dhuna ndaj policëve të burgut ka ndodhur gjatë ditëve të amnistisë për mënyrën sesi i janë trajtuar.
Postimi i Berishës:
Revoltë në burgun e Fierit!
Në koma shefi i edukimit në burgun e Fierit!
Disa policë plagosen nga të burgosurit.
Ngjarja mbahet sekret si në shpellat e mafies!
Lexoni denoncimin e qytetarit dixhital!
Miredita i nderuar doktor Berisha!
Me japin nje info, per nje ngjarje ne burgun e Fierit
Shefin e edukimit ne kete burg Nazmi Doko e kane goditur me sende te forta dhe ka qene ne spital ne gjendje kome, deri sot
Sot ka dal nga koma dhe eshte ne spital
Si dhe disa polic jane rrahur nga te burgosurit gjate diteve te amnistise, per menyren se si i kane trajtuar nga ana shkresore per perfitimet
Deri tani nuk kane dhene asnje lajme edhe mediat e mbajne te fshehte dhe nuk japin info goditjen e shefit te edukimit, e kane goditur ne rruge!
Respekt
Reagimi i policisë Fier:
Mbrëmjen e djeshme, rreth orës 21:00, një shtetas ende i paidentifikuar dyshohet se ka goditur me send të fortë shtetasin N. D., 64 vjeç (efektiv i IEVP Fier), duke i shkaktuar dëmtime të lehta. Shtetasi N. D. po merr mjekim në spital dhe është jashtë rrezikut për jetën. Vijon puna për identifikimin dhe kapjen e autorit.
