Numri i mësuesve dhe nxënësve të izoluar është minimal. Gjysmëvjetori i dytë në shkollat fillore dhe të mesme në Shtip filloi pa probleme dhe duke respektuar u protokollet shëndetësore.
– Advertisements –
Sonja Kitanova, këshilltare për arsim në Komunën e Shtipit, thotë se sipas të dhënave që janë dërguar nga shkollat në njësinë rajonale të Ministrisë së Arsimit, gjendja në institucionet arsimore është stabile.
“Në raport me shkollat e mesme në Komunën e Shtipit, stafi mësimdhënës është plotësisht i pranishëm, ndërsa kemi një deri në dy raste me Covid në pesë shkollat fillore të qytetit. Mirëpo, këto janë raste të rastësishme, kështu që shumica e mësimdhënësve janë të pranishëm nëpër shkolla”, thotë Nikolova.
Ajo theksoi se shumica e nxënësve u ulën në bankat e shkollës dhe ka nga ata që qëndruan në shtëpitë e tyre, pasi vetëm një numër i vogël raportoi izolim për shkak të Covid.
“Kemi shifra që janë diku nga 20-30 nxënës, deri në 50 në shkolla të caktuara fillore, por këtu bëhet fjalë për një numër total, të përmbledhur mbi çdo bazë, jo vetëm në bazë të nxënësve pozitivë ndaj Kovid-it”, shtoi Nikolova.
Nga Qendra për Shëndet Publik nga Shtipi thonë se gjendja shëndetësore në qytet po stabilizohet dalëngadalë dhe për momentin janë mbi 200 raste aktive.
