Në Universitetin “Nënë Tereza” u promovua libri nën autorësinë e profesorë doktorë Murat Aliu, me titull “Pushteti, identiteti dhe hapësira” i cili lidhet me një studim sociologjik dhe politologjik mbi projektin Shkupi 2014. Enis Sulstarova, recensues i librit tha se libri flet edhe për rënien e komunizmit dhe ndërtimin e godinave të reja. Sipas tij, vepra të tiila duhet të ketë edhe për kryeqytet e tjera ballkanike.
“Në gjykimin tim është një vepër shumë e rëndësishme shkencore e cila uroj të jetë një lloj hapje e rrugës për të tjera studime, jo vetëm për Shkupin, por edhe për kryeqytete tjera të ballkanit, përfshirë këtu Tiranën, Beogradin ku ka pasur një ndërthurje shumë të ngushtë midis ndërtimeve arkitekturore, urbanistike në këto dekadat e fundit lidhur me ndryshimet që kanë ndodhur me pushtetin”, tha Enis Sulstarova, recensues i librit.
