Gjykata e Kundër Korrupsionit dhe Krimit të Organizuar ka marrë vendimin e saj për të hequr masën e sigurisë ndaj gjashtë pedagogëve të Universitetit të Elbasanit, të cilët u arrestuan në lidhje me veprën penale të korrupsionit.
Mësohet sipas heqjes së masës së sigurisë, të gjashtë pedagogët do të kthehen në detyrë.
Pedagogët
Ornela Bilali, Lënda: Arti dhe krijimtaria në fëmijërinë e hershme.
Zyhra Gripshi, Lënda: Puna me familjen dhe komunitetin.
Adrian Shingjergji, Lënda: Edukimi motorrik dhe lojërat lëvizore.
Beatriçe Gani, Lënda: Të mësuarit nëpërmjet lojës.
Florinda Tarusha, Lënda: Filozofi e edukimit.
Monika Hodaj, Lënda: Edukim gjinor ne fëmijërinë e hershme.
Edlira Gugu, pedagoge në lëndën: Letërsi për fëmijë (u arrestua disa muaj pas kolegëve).
Pas një hetimi disamujor organi i akuzës shprehet se kishte mbledhur prova që vërtetonin se pedagogët vendosin nota kaluese kundrejt ryshfetit.
Dyshohet se ata kanë shfrytëzuar postin për të ndikuar si tek pranimet e reja ashtu edhe tek nota kaluese e studentëve të mësuesisë.
Lidhja mes pedagogëve dhe studentëve kryhej nga shtetasi Gazmend Hodaj, i cili luante rolin e sekserit.
