Sipas paralajmërimeve, të hënën në mesditë do talohen Presidenti i Kosovës, Hashim Thaçi dhe kryetari i Lëvizjes Vetëvendosje, Albin Kurti.
“E mirëpres paktin që pas ftesës së tretë që zotëri Kurti i është përgjigjur ftesës për datën 6 janar në orën 15.00. Do ta pres në zyrën time, nuk mund të sillemi as me hatër. Mirë se vjen e mirëpres”, kishte thënë presidenti Thaçi, i cili ka shtuar se pret që në javët e para të janarit të arrihet një marrëveshje në mes partisë fituese dhe partnerit qeverisës, duke vënë kështu në vend vullnetin e qytetarëve.
Ndërkaq, ditë më parë Kurti deklaroi do të takohet me Thaçin, por duke shtuar se datën e formimit të qeverisë nuk ia përcakton Presidenti,por LDK-ja.
“Mua vetëm LDK më përcakton datën e formimit të qeverisë”, ka thënë Kurti.
Përndryshe, para këtij takimi LDK do të mbaj dy mbledhje të rëndësishme, atë të kryesisë dhe të grupit parlamentar, e cila thuhet se do të jetë edhe lëvizja e fundit e LDK-së për të qartësuar qëndrimin e saj, karshi koalicionit me VV-në.
Mediat kanë raportuar se VV tanimë, pas zgjedhjes së Glauk Konjufcës si kryetar të Kuvendit, LDK-së i ka ofruar gjashtë ministri, kundrejt katër sa do t’i kishte Lëvizja Vetëvendosje. Ndërsa, në ofertë parashihet që presidenti t’i takojë LDK-së, dhe në momentin e zgjedhjes së kësaj pozite, atëherë partia e Isa Mustafës t’ia kthejë një ministri VV-së, duke u barazuar 5-5 sa i përket ministrive.
