Statuja e Lirisë në New York të Shteteve të Bashkuara të Amerikës mbeti pa dritë në mbrëmjen e së martës, pasi elektriciteti në statujë u ndërpre pa paralajmërim, duke e lënë një prej monumenteve më ikonike të botës në terr e qetësi.
Banorët e New Yorkut e panë çfarë kishte ndodhur dhe shumë shpejt e shpërndanë këtë pamje në rrjete sociale, duke pyetur nëse ndalja e dritave kishte lidhje me shënimin e Ditës Ndërkombëtare të Gruas më 8 mars.
Megjithatë, më vonë u bë e ditur se ndërprerja ndodhi për shkak të një problemi teknik me instalimin elektrik.
