Në komunën e Çairit të gjitha qendrat e votimit janë hapur në ora 7 të mëngjesit.
Ndonëse në përgjithësi, procesi i votimit po rrjedh pa probleme të mëdha, ka disa qytetarë që ankohen se nuk po arrijnë të gjejnë emrin e tyre në listën e votimit.
Për dallim nga vendbanimet tjera, në disa vendvotime në Çair është regjistruar fluks i madh votuesish.
A do të thotë kjo se nga Çairi po fillon histori e re e Maqedonisë nëse I referohemi një numri jashtëzakonisht të madh të votuesve, mbetet të shihet. Por, tashmë dihet se rreth 30 mijë protestues i mbushën rrugët e kësaj komune në protestën e 9 Majit në të cilën organizatore ishte edhe Lëvizja BESA.
