Një ngjarje e rëndë ka ndodhur sot në Sarandë, ku një 21-vjeçar nga Tirana është plagosur me thikë në parakrah. I plagosuri, Devis Saliaj, ndodhet jashtë rrezikut për jetën, sipas mjekëve që e kanë marrë në kujdes.
Saliaj ka marrë plagën gjatë një incidenti për të cilin nuk ka dhënë shumë detaje para policisë, pasi në momentin e plagosjes ishte në gjendje të dehur.
Autoritetet kanë identifikuar autorin e dyshuar të plagosjes si Denis Beqo, banues në Sarandë, dhe janë në kërkim të tij.
Policia po vijon hetimet për zbardhjen e plotë të rrethanave të ngjarjes.
