Si pasojë e barrikadës së vendosur në anën shtetit të Serbisë nga nacionalistë serbë, është mbyllur për qarkullim për vetura, pika kufitare në Merdare.
Lajmin e kanë konfirmuar nga Ministria e Punëve të Brendshme, më saktësisht Qendra Kombëtare për menaxhim kufitar.
Në shpjegim të MPB’së, thuhet se kjo pikë kufitare është mbyllur shkaku i vendosjes së barrikadës në territor të Serbisë, rreth dy kilometra larg kufirit, transmeton Gazeta Online Reporteri.net.
Në këtë pjesë të territorit, për vendosje të barrikadës, e një shenjë proteste të vazhdueshme, janë mbledhur rreth njëzet serbë lokalë.
Kalimi është i bllokuar në anën e Kurshumlisë të vijës administrative.
Për pengimin e qarkullimit, qytetarët kanë vendosur në rrugë një kamion me rimorkio dhe traktorë.
Të tubuarit janë parë duke mbajtur flamuj të Serbisë derisa janë shprehur se e kanë ndërmend të mos lëvizin nga vendi deri në një njoftim të ardhshëm.
“Jemi këtu për t’i mbështetur bashkatdhetarët tanë në Mitrovicën e Veriut, të cilët po luftojnë për të drejtat e tyre elementare të njeriut, të cilat janë kërcënuar në mënyrë drastike së fundmi”, tha Nebojsha Stankoviq, duke shtuar se presin që t’u bashkohen edhe më shumë njerëz. /Reporteri.net/.
