Gyltene Sylejmani emërohet u.d e kryetarit të Gjykatës Supreme të Kosovës Këshilli Gjyqësor i Kosovës ka mbajtur takimin e njëqind e shtatëdhjetë e nën kryesinë e kryesuesit Nehat Idrizi.
“Gjatë këtij takimi, janë shqyrtuar raportet vjetore të punës 2016 të tre gjykatave themelore, Gjykatës Themelore në Mitrovicë, Gjykatës Themelore në Gjilan dhe Gjykatës Themelore të Ferizaj.
Përpara anëtarëve të Këshillit këto raporte i kanë shfletuar kryetarët e këtyre gjykatave të cilët diskutuan për sfidat dhe kërkesat që kanë këto gjykata, por pa harruar edhe të arriturat. Këto raporte u miratuan njëzëri nga anëtarët e Këshillit”, thuhet në njoftimin për media.
Në mbledhjen e sotme, Këshilli ka caktuar Gyltene Sylejmanin ushtruese e detyrës së kryetarit të Gjykatës Supreme të Kosovës deri në dekretimin e kryetarit nga Presidenti i Republikës.
“Aktualisht, gjyqtarja Sylejmani është gjyqtare dhe zëvendës kryetare e Gjykatës Supreme.
Gjithashtu, Këshilli caktoi Valid Limanin ushtrues detyre i drejtorit të Sekretariatit të KGjK-së, i cili aktualisht është drejtor i Administratës Qendrore në SKGjK.
Dhe në fund, Këshilli autorizoi kryesuesin Nehat Idrizi të nënshkruaj Marrëveshje Mirëkuptimi në mes të Këshillit
Gjyqësor të Kosovës dhe Fakultetit Juridik në Prishtinë”, thuhet më tej në njoftim.
Këshilli Gjyqësor i Kosovës shqyrtoi edhe disa çështje të tjera me rëndësi nga fushë kompetenca e vet.
