Një person është gjetur pa shenja jete në banesën e tij në Prishtinë, ndërsa ata kanë nisur hetimet për sqarimin e vdekjes.
Policia e Kosovës bën të ditur se rasti është raportuar dje rreth orës 16:00. Pas pranimit të informacionit, njësitet përkatëse dhe ekipi kanë dalë në vend të ngjarjes.
“Është raportuar se viktima m/k është gjetur pa shenja jete në banesën e tij. Nga ekipi mjekësor është konstatuar vdekja e tij”, thuhet në raportin 24 orësh të policisë.
Me vendim të prokurorit trupi i pa jetë është dërguar në Institutin e Mjekësisë Ligjore (IML) për obduksion.
