Një pikë e këmbimit valutor është grabitur nga një person ende i paidentifikuar. Ngjarja ka ndodhur në zonën e Kombinatit në kryeqytet, ku sipas policisë personi ka qenë i maskuar dhe ka kërcënuar me një pistoletë lodër.
Personi, i cili tashmë është në kërkim nga policia ka arritur që të vjedhë një shumë parash. Grupi hetimor ndodhet në vendngjarje dhe po punon për identifikimin dhe kapjen e autorit.
Tiranë/Informacion paraprakMë datë 22.02.2024, rreth orës 20:10, në Kombinat, një shtetas ende i paidentifikuar, veshur me bluze të kuqe dhe i maskuar, dyshohet se nën kërcënimin e një pistolete lodër, ka vjedhur një shumë parash në një pikë këmbimi valutor, dhe më pas është larguar.
Grupi hetimor ndodhet në vendngjarje dhe po punon për identifikimin dhe kapjen e autorit.
