Në 24 orët e fundit, në vend u regjistruan 16 zjarre, nga të cilat dy janë ende nën kontroll, ndërsa 14 janë shuar, njoftoi Qendra për Menaxhimin e Krizave (QMK). Deri në orën 7:30 të mëngjesit të sotëm, nuk kishte zjarre aktive.
Zjarri pranë fshatit Belicë, në vendin e quajtur Kajorec në komunën e Makedonski Brod, i cili u përhap drejt Jasenit në komunën e Sopishtes, ku digjeshin pyje me kërcell të ulët dhe të përzier, është nën kontroll, si dhe zjarri pranë fshatrave Rapesh dhe Makovo në komunën e Novacit, ku u prekën bari i thatë dhe bimësia me kërcell të ulët.
Në 24 orët e fundit, zjarrfikësit kanë shuar zjarre në komunat e Shkupit Saraj, Butel dhe Ilinden, si dhe në Veles, Negotinë, Strugë, Ohër, Vallandovë, Strumicë, Krivogashtan dhe Krushevë.
The post Nuk ka zjarre aktive në Maqedoni të Veriut appeared first on Alsat.
