Mbrojtësi Harry Maguire do të largohet nga Manchester Unitedi gjatë afatit kalimtar të janarit.
“The Sun” shkruan të premten se drejtuesit e Unitedit kanë njoftuar Maguirren që nuk bën pjesë në planet e klubit dhe për këtë arsye kanë vendosur ta nxjerrin në shitje.
Maguire nuk ka bindur me paraqitjet e tij këtë edicion dhe Unitedi për kartonin e tij po kërkon 30 milionë euro.
29-vjeçari është limituar në vetëm nëntë paraqitje këtë sezon, ndërsa është pjesë e Unitedit prej vitit 2019 kur iu bashkua nga Leicesteri.
Maguire ka kontratë me ekipin anglez deri në vitin 2025, me opsionin e vazhdimit edhe për një vit tjetër.
