Nxënësit e shkollave të mesme të Prishtinës, kanë paralajmëruar se sot do të organizojnë një marsh protestues për vdekjen e aktivistit të Vetëvendosjes Astrit Dehari, në qendrën e paraburgimit në Prizren.
Në një njoftim për media dërguar nga një nxënëse e gjimnazit “Sami Frashëri” me emrin Leona Zogiani, thuhet se pjesëmarrës në këtë marsh do të jenë të gjithë nxënësit e shkollave të mesme të Prishtinës.
Sipas këtij paralajmërimi marshi do të fillojë në orën 14:00 në sheshin “Zahir Pajaziti” në Prishtinë.
