Konfirmimi i kryetarit të Kuvendit se demarkacioni do procedohet në Kuvend në javën që po vjen, nuk ka lëkundur qëndrimet opozitare karshi kësaj marrëveshje.
Përkundrazi ato kanë paralajmëruar stopimin e saj me çdo kusht, përfshirë gazin dhe përtej gazit.
Dhe në këtë qëndrim janë bashkuar te tria partitë opozitare.
Deputeti i Lëvizjes Vetëvendosje, Rexhep Selimi, deklaroi se do ta përdorin çdo mjet që ky ratifikim të mos ndodhë.
Ai deklaroi se nëse është nevoja do të shkojnë edhe përtej gazit lot-sjellës, por sipas tij ky ratifikim nuk do të ndodh.
Selimi u shpreh i sigurt që kjo do të jetë seanca e fundit e kësaj legjislature, pasi që, siç thotë ai, pas kësaj seance vendi do të shkojë në zgjedhje.
