Askush nga opozita nuk do të shkojë nesër në sallën C-301, ku presidenti Thaçi ka ftuar t’i takojë të gjitha partitë për diskutim rreth reformës zgjedhore.
Pas AAK-së, Vetëvendosjes, për Koha.net edhe Nisma për Kosovë e ka konfirmuar refuzimin e ftesës.
Bilall Sherifi nga kjo parti ka thënë se vendi duhet të shkojë në zgjedhje, transmeton Koha.net.
“Jo, Nisma nuk do të merr pjesë në këtë takim. Vendi duhet të shkojë në zgjedhje të reja”, ka thënë Sherifi.
Ai më tej ka thënë se reforma e thellë dhe e duhur zgjedhore mund dhe do të bëhet vetëm pas zgjedhjeve, prej ku do të dalë legjislatura e re.
