Brisida Shehaj, ish-Drejtoreshë e Përgjithshme e Tatimeve kritikoi buxhetin 2025, që u miratua në Parlament vetëm me votat e mazhorancës, pasi opozita votoi kundër.
E ftuar në studion e emisionit “Open” në News24, Shehaj u shpreh se nëse vjen një qeveri e përgjegjshme dhe bllokohet paraja e pistë, lekët nuk dalin as për pensione dhe as për të paguar borxhin.
“Po dhe ky borxhi ka ca probleme se matet me këtë kursin e euros që mbahet enkas kështu tani, se të na ndodhi ne që të vijë një qeveri e përgjegjshme dhe të bllokohet paraja e pistë, automatikisht do ketë një forcim të euros dhe e di si të shkon ai buxhet? Që nuk të dalin paratë jo për të rritur pensionin, por as për të paguar borxhin që kanë marrë këta paçavuret. Shih ca bën Edi Rama?! Amendament e opozitës janë populiste”, tha Shehaj.
Më tej ajo u shpreh se “Opozita ka bërë gjënë më serioze, ka shpalosur vizionin. Opozita ka kërkuar investimet te familja, te individi, pra që të mbështetet ai pensionisti që sot s’ka bukë të hajë”.
