Prodhuesi i njohur italian i super-veturave, Pagani, planifikon që deri më 2025-ën të sjellë në treg modelin e saj elektronik.
Pagani herën e fundit ishte në qendër të vëmendjes dimrin e kaluar kur ka prezantuar modelin Huayra Roadster, transmeton Koha.net.
Themeluesi i kompanisë, Orasio Pagani, së fundmi ka konfirmuar se janë duke punuar në dy projekte, njëri është pasardhës i Huayra ndërsa tjetri një hiper-veturë elektrike. Për këtë hiper-veturë elektrike janë angazhuar mbi 20 inxhinierë.
Sa i përket gjeneratës së re të Huayras, ajo pritet të vijë me motor të ri Twin-Turbo të huazuar nga Mercedes-AMG dhe me marshin manual.
