Një aksident tragjik ka ndodhur mbrëmjen e sotme (17 mars) në aksin Tepelenë – Memaliaj, në të cilin janë përfshirë tre automjete.
Policia ka dhënë së fundmi detaje, duke njoftuar se numri i viktima është katër, ndërsa dy të tjerë janë të plagosur.
Viktimat nuk janë identifikuar ende, ndërsa të plagosurit janë dërguar në spitalin e Gjirokastrës.
Sipas raportimeve nga News24, disa persona mbetën të bllokuar në automjete dhe u desh ndërhyrja e forcave zjarrfikëse që të nxirreshin, më pas dy persona sipas policisë janë dërguar në spital.
Mësohet se njëri prej automjeteve ka humbur kontrollin dhe si pasojë është përplasur me dy automjete të tjera që lëviznin në kahun e kundërt.
Njoftimi i policisë:
Rreth orës 19:00, në aksin rrugor Tepelenë-Memaliaj, janë përfshirë në aksident rrugor 3 automjete.
Si pasojë e përplasjes së automjeteve kanë humbur jetën 4 shtetas ende të paidentifikuar dhe janë dëmtuar 2 shtetas të tjerë të cilët janë dërguar për ndihmë mjekësore në Spitalin Rajonal Gjirokastër.
Grupi hetimor po punon për sqarimin e rrethanave dhe shkakut të aksidentit.
