Është gjetur edhe trupi i policit të dytë që kishte pësuar aksident në lumin Lepenc, të shtunën mbrëma.
Pasi dje u arrit që të gjendej trupi i Malsor Dashit, sot është gjetur edhe trupi i Armend Trenës.Të dy policët kishin qenë së bashku në veturë kur kishte ndodhur aksidenti.
Trupi i Armend Trenës është gjetur rreth 1 kilometër larg vendit të aksidentit, kurse ai i Malsor Dashit ishte gjetur rreth 5 kilometra më larg.
Aksidenti kishte ndodhur në magjistralen Kaçanik-Hani i Elezit, kurse janë ngritur dyshime që vetura zyrtare me të cilën po udhëtonin nuk ka qenë në gjendje të mirë teknike. /gazetametro.net
