Një vatër zjarri është aktivizuar në fshatin Zgërbonjë, në Njësinë Administrative Vërtop të Poliçanit, duke avancuar me shpejtësi drejt kodrës me pisha, nën ndikimin e erës dhe temperaturave të larta.
Në terren ndodhen dy mjete zjarrfikëse nga Berati dhe shtatë efektivë, të cilët po ndihmojnë forcat zjarrfikëse të Poliçanit. Terreni i vështirë ka pamundësuar futjen e mjeteve në zonën e zjarrit, çka ka detyruar zjarrfikësit të ndërhyjnë me mjete rrethanore dhe pompa shpine me ujë.
Pavarësisht përhapjes fillestare, situata është vënë nën kontroll, por ekipet e emergjencës vazhdojnë të monitorojnë nga afër vatrat aktive, për të shmangur riaktivizimin e flakëve.
