Një 27 vjeçar në Kamëz është arrestuar pasi përgjatë një konflikti të çastit me një person tjetër, i riu qëlloi me armë zjarri në ajër dhe u largua me vrap nga vendgjarja.
Në pranga ka rënë shtetasi F.H., 27 vjeç, banues në Domje, i cili është me precedent të mëparshëm penal në fushën e mashtrimit.
Ngjarja ndodhi në rrugën “Besëlidhja”, Kamëz.
Nga kontrolli i banesës së të riut u gjet dhe u sekuestrua arma e zjarrit, tip pistoletë, me municion luftarak.
Materialet procedurale i kaluan Prokurorisë për veprime të mëtejshme.
NJOFTIM
Kamëz
Finalizohet nga Komisariati i Policisë Nr. 5, operacioni policor i koduar “Moment”.
Qëlloi me armë zjarri pistoletë, në ajër, pas një konflikti të çastit me një shtetas, arrestohet 27-vjeçari.
27-vjeçari, me precedent të mëparshëm penal në fushën e mashtrimit.
Policia gjeti në banesën e 27-vjeçarit dhe sekuestroi armë e zjarrit pistoletë, me municion luftarak.
Shërbimet e Komisariatit të Policisë Nr. 5, menjëherë pas marrjes së njoftimit se në rrugën “Besëlidhja”, një shtetas kishte qëlluar me armë zjarri, në ajër, kanë organizuar dhe finalizuar operacionin policor të koduar “Moment”, për kapjen e tij.
Si rezultat i veprimeve të shpejta, u kap dhe u arrestua shtetasi F. H., 27 vjeç, banues në Domje, me precedent të mëparshëm penal në fushën e mashtrimit.
Ky shtetas dyshohet se pas një konflikti për motive të dobëta me shtetasin A. H., ka qëlluar me armë zjarri pistoletë, në ajër, dhe më pas është larguar nga vendi i ngjarjes.
Materialet procedurale i kaluan Prokurorisë, për veprime të mëtejshme.
