BallinaRajoniShqiperi

PD pretendoi se zgjedhja e Avokatit të Popullit ishte anti-kushtetuese, GJK rrëzoi kërkesën, reagon Bardhi: Shtrembëruan faktet dhe provat! Po bëjnë politikë

Pas vendimit të Gjykatës Kushtetuese për të rrëzuar kërkesën e Partisë Demokratike lidhur me zgjedhjen e Endri Shabanit si Avokat i Popullit, ka reaguar

Kreu i Grupit Parlamentar të PD-së, Gazment Bardhi, ka reaguar në lidhje me vendimin e Gjykatës Kushtetuese për të rrëzuar kërkesën e deputetëve të Partisë Demokratike mbi zgjedhjen e Avokatit të Popullit.

Bardhi shkruan se opozita do ta respektonte çdo vendim të Gjykatës Kushtetuese, por kundërshton mënyrën se si, sipas tij, janë paraqitur faktet dhe provat në arsyetimin e vendimit.

Ai akuzon Gjykatën Kushtetuese se ka shtrembëruar faktet dhe provat dhe thotë se kjo, sipas tij, vendos në pikëpyetje vendimmarrjen në këtë çështje.

 

REAGIMI:
Mund të kishin thënë thjesht “rrëzohet”, për qëllime politike, pa pasur nevojë të mashtronin publikisht. Në çdo rast, çfarëdo lloj vendimi që do të merrte Gjykata Kushtetuese, ne do ta respektonim si të detyrueshëm për zbatim sipas Kushtetutës.
Por mashtrimin publik nuk e respektojmë dot; përkundrazi, e përbuzim me përçmim. Dënoj me forcë shtrembërimin e fakteve dhe provave nga Gjykata Kushtetuese. Një gjykatë që deformon faktet, humbet besueshmërinë.
Gjykata Kushtetuese, në njoftimin publik për arsyet e rrëzimit të kërkesës së Grupit Parlamentar të PD-së për paligjshmërinë e zgjedhjes së Avokatit të Popullit, shprehet se: “Në rastin në shqyrtim, ky kusht ishte plotësuar në momentin e verifikimit nga Komisioni i Ligjeve të kandidaturave dhe kalimin e tyre për votim në seancë plenare. Në këtë mënyrë, procesi kishte sjellë pasoja konkrete, NDAJ TËRHEQJA E MBËSHTETJES PAS KALIMIT TË KËSAJ FAZE nuk mund të sjellë më pasoja në procedurën vijuese parlamentare.”
Ky është thjesht një mashtrim publik, që vendos në pikëpyetje të fortë kushtetutshmërinë e vendimmarrjes së Gjykatës në rastin konkret.
Grupi Parlamentar i PD-së ka tërhequr mbështetjen në datën 5 dhjetor 2025, përmes shkresës nr. 3853 Prot., datë 05.12.2026. Ndërkohë, Komisioni i Ligjeve ende nuk kishte bërë atë që Gjykata thotë se e kishte bërë: verifikimin e kandidaturave dhe kalimin e tyre për votim në seancë plenare. Verifikimi nga Komisioni i Ligjeve i kandidaturave dhe kalimi i tyre për votim në seancë plenare është bërë në mbledhjen publike të Komisionit në datën 9 dhjetor 2025, pra 4 ditë pas tërheqjes së mbështetjes.
Mashtrimi publik i Gjykatës Kushtetuese për akte dhe fakte që janë të njohura botërisht, lehtësisht të verifikueshme, justifikon edhe arsyet jokushtetuese të Gjykatës Kushtetuese për të mos pranuar kërkesën tonë që çështja të shqyrtohej në seancë plenare publike, transparente dhe që opinioni publik të kishte mundësi të njihej me rrethanat e çështjes.
Një Gjykatë që i shmanget transparencës dhe që mashtron opinionin publik mbi fakte të njohura publikisht, nuk bën drejtësi, por politikë. Kjo është thjeshtë e papranueshme për një shtet ligjor!

The post PD pretendoi se zgjedhja e Avokatit të Popullit ishte anti-kushtetuese, GJK rrëzoi kërkesën, reagon Bardhi: Shtrembëruan faktet dhe provat! Po bëjnë politikë appeared first on Gazeta Shqiptare Online.

Artikulli paraprak
“News24 u godit për t’i dhënë godinën KAYO-s”, Jorida Tabaku: Ajo që ndodhi me SHISH e kemi paralajmëruar më parë

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme