Pas sjelljes aspak normale të kreut të qeverisë Rama i cili braktisi sallën e kuvendit kur aty do të fliste Presidentja e Kosovës, ka reaguar edhe Partia Drejtësi Integrim dhe Unitet.
“Ai thelloi sot ndarjen e shqiptarëve duke mos qenë i pranishëm gjatë vizitës historike të Presidentes në detyrë të Kosovës, Vjosa Osmani, në Parlamentin e Shqipërisë. Edi Rama vlen aq sa çmimi që i ka vënë vetes me njollën e sotme”, thuhet në reagimin e PDIU.
Pasi shpiku minishengenin, që ringjallte edhe njëherë Federatën e ish-Jugosllavisë dhe priste në mes aspiratat e shqiptarëve;
Ai thelloi sot ndarjen e shqiptarëve duke mos qenë i pranishëm gjatë vizitës historike të Presidentes në detyrë të Kosovës, Vjosa Osmani, në Parlamentin e Shqipërisë. Edi Rama vlen aq sa çmimi që i ka vënë vetes me njollën e sotme.
PDIU shpreh mbështetjen e plotë për institucionin e Presidentit të Kosovës dhe institucionet e tjera të ngritura me djersë e gjak. Ne mbështesin luftën e shenjtë të UÇK-së dhe përçmojmë çdo nismë komisionesh të posaçme për të hetuar drejtësinë e saj.
Ne nuk falim vrasësit e fëmijëve, grave, të të pafajshmëve, qofshin në Veri apo në Jug të vendit tonë. Ne mbrojmë dinjitetin e luftëtarëve të UÇK-së të rënë në luftë, bash ashtu siç mbështesim martirët çamë që ranë theror pa shkelur vijën aq të ëndërruar të kufirit të Shqipërisë.
Këtë vijë, që Edi Rama është përpjekur vazhdimisht ta justifikojë, znj. Osmani e fshiu krejtësisht, ashtu siç i ka hije një shqiptari të mirë, duke treguar që vëllezërit nuk mund të ndahen as me kufi e as me tra.
Në fund, dëshirojmë të shprehim inkurajim e mirënjohje të thellë për çdo nismë që mundëson bashkimin e të rinjve në të dy anët tona. Vetëm kështu do të bashkohen mendjet dhe do të jemi një!
