Subjekti më i madh opozitar PDK në Ferizaj nëpërmjet një konference për medie, ka akuzuar komunën për keqpërdorime me tenderë, duke nënshkruar 18 kontrata aneks me kompani të ndryshme brenda vitit 2015, shkruan sot Koha Ditore.
Gazmend Bytyqi, nënkryetar i këtij subjekti, me këtë rast ka thënë se duke marrë për bazë raportin e Zyrës së auditorit të përgjithshëm dhe duke e krahasuar me raportin e punës të vitit 2015 dhe gjetjeve të Auditorit të përgjithshëm, sidomos te pjesa e nënshkrimit të kontratave aneks, vërehet ashiqare se kjo metodë po aplikohet vetëm për keqpërdorim të parasë publike dhe për përfitime personale të zyrtarëve komunalë.
