Në protestën e tretë kombëtare të zhvilluar këtë të hënë, pedagogët i kanë lënë afat qeverisë dy ditë t’u kthejë përgjigje për kërkesat e tyre. Në të kundërt ata paralajmërojnë se do të hyjnë në grevë urie.
Dy ditë afat i kanë lënë pedagogët qeverisë për t’i kthyer përgjigje për kërkesat e tyre, në të kundërt do të hyjnë në grevë urie.
Teksa kanë hyrë në javën e tretë të bojkotit të procesit mësimor, pedagogët vijojnë të bëjnë thirrje për plotësim të kërkesave, ndërsa po mendohet edhe për zëvendësimin e orëve të humbura mësimore për studentët.
Përfaqësues të Sindikatës së Pedagogëve kanë protestuar prej rreth 2 muajsh duke bërë thirrje për plotësim të kërkesave, ndërsa së fundmi kanë vendosur për përshkallëzim të protestave nëse nga qeveria nuk merret asnjë masë konkrete për realizimin e tyre.
© SYRI.net
