Në edicionin e së premtes “Drejtësia në Kosovë” transmeton reportazhin ekskluziv nga hetimi i Prokurorisë së Shtetit për dyshimet se një pjestar i Policisë së Kosovës ishte përfshirë në një biznes të prostitucionit.
Hetimi ishte nisur pas hapjes së një qendre të masazhit në qytetin e Gjilanit.
Emisioni sjell detaje për mënyrën se si Prokuroria kishte autorizuar hetuesit të futeshin me masa të fshehta dhe të kontraktonin shërbime seksuale në lokalin e masazhit.
Gjithashtu reportazhi sjell detaje për aksionin e arrestimit dhe procesin e intervistimit të një polici dhe një shtetaseje të Shqipërisë të dyshuar për prostitucion
Reportazhin mund ta ndiqni të premten nga ora 22 e 20 në RTK dhe Live në KALLXO.com.
