Kandidatja socialiste Olta Xhaçka, me votat e diasporës, ka arritur të hyjë në Kuvend, ndërsa Blerina Gjylameti e cila ishte në garë të ngushtë me kolegen e saj, ka mbetur jashtë.
Kanë qenë 150 vota që kanë bërë diferencën, mes Xhaçkës dhe Gjylametit.
Ndërsa ndër kandidatët Xhemal Qafalia dhe Ornaldo Rakipi, mandatin e ka marrë ky i fundit duke siguruar 467 vota më shumë.
Kujtojmë se në qarkun Tiranë, PS ka marrë 19 mandate në Tiranë, ndërsa PD-ASHM ka siguruar 13 mandate.
PD ka arritur të fusë në Kuvend, në qarkun Tiranë, vetëm një kandidat të listës së hapur, Jorida Tabakun, duke lënë kështu jashtë Ilir Alimehmetin, edhe pse kishte siguruar 18077 vota.
